Бастапқы қалып — шынтаққа тіреліп тұру, саусақ ұштары еденге немесе кілемшеге тірелген. Арқа түзу, жамбас төмен түсіп кетпеуі немесе жоғары көтерілмеуі керек — бұл өте маңызды! Бас та жоғары көтерілмеуі немесе «төмен түсіп кетпеуі» тиіс — ол омыртқаның жалғасы ретінде түзу болуы қажет. Осы қалыпта кем дегенде 20 секунд тұру керек, уақыт өте келе бір минутқа дейін жеткізу ұсынылады.

Бастапқы қалып — тік тұру, қолдар белде. Тізедегі бұрыш тік болатындай етіп алға кең адыммен қадам жасау керек, ал «артқы» аяқ бүгілмейді. Қолдарды белде қалдыруға немесе жоғары көтеруге болады (бұлшық еттерге күш көбірек түседі). Жамбаспен жоғары-төмен серпілмелі ұсақ қозғалыстар жасау. Арқаңызды бүкпеңіз! Қалыпты бірнеше секунд ұстап тұру керек, содан кейін аяқтарды ауыстыру.

Бастапқы қалып — шалқалап жатып, аяқтар тізеден бүгіліп, қолдар дене бойымен төмен түсірілген. Дем алған кезде денені жауырынға дейін жоғары көтеріп, жамбас бұлшықеттерін қатты керу керек. Жоғарғы нүктеде дене мен сан түзу сызық құрауы тиіс. Осы қалыпта бірнеше секунд кідіріп, жамбасты төмен түсіру қажет.

Бастапқы қалып — төрт тағанда тұру, алақандар еденге тіреліп, иық буындарының астында орналасқан, жамбас пен дене арасындағы бұрыш — 90°. Қарама-қарсы қол мен аяқты бір уақытта еденмен параллель етіп созу керек. «Бір» дегенде — оң қол алға, сол аяқ артқа қарай қозғалады. «Екі» дегенде — аяқ-қол кеуде астында бірігеді: оң шынтақ сол тізеге тиюге тырысады. Аяқ-қол еденге түспейді, жаттығу ауада орындалады. Шынтақ тізеге тигеннен кейін қол мен аяқ қайтадан қарама-қарсы жақтарға созылады. Қайталау саны — 10 рет, содан кейін жаттығу екінші қол мен аяқпен орындалады.

Бастапқы қалып — ішпен жатып, қолдар жоғары қарай созылған. Аяқтар түзу, сәл екі жаққа ашылған. Бас төмен түсірілген, иек еденге тиген. Қарама-қарсы қол мен аяқты бір уақытта көтеріп, жоғарғы нүктеде кідіріп тұру керек. Қолды көтеру дене тулғасымен бірге жүзеге асады, бірақ көзқарас төмен бағытталған.